HADEES E PAK

ISLAM KYA HAI ? IMAAN KYA HAI ?

♥ MAFHOOM-E-HADEES: HAZRAT UMAR BIN KHATTAB (RAZIALLAHU ANHU) RIWAYAT KARTE HAIN KI,
EIK ROZ HUM HUZOOR NABI-E-AKRAM (SALLALLAHU ALAIHAY WASALLAM) KI KHIDMAT ME HAAZIR THEY.
ACHANAK EIK SHAKHS HAMAARI MAHFIL ME AAYA, US KE KAPDE NIHAYAT SAFED, BAAL GAHRE SYAAH THEY.
US PAR SAFAR KE KUCHH ASRAAT NUMAYA’N NA THEY AUR HUM ME SE KOI USEY PAHCHAANTA BHI NAHIN THA.

*AAKHIRKAAR WOH SHAKHS AAP (SALLALLAHU ALAIHAY WASALLAM) KE SAAMNE AAP KE GHUTNE SE GHUTNE MILA KAR BAITH GAYA AUR US NE DONON HAATH APNI RAANON PAR RAKH LIYE AUR ARZ KIYA: “YA NABI(SALLALLAHU ALAIHAY WASALLAM)! MUJHE BATAAYE “ISLAM KYA HAI ?..”
AAP (SALLALLAHU ALAIHAY WASALLAM) NE FARMAYA: “ISLAM YEH HAI KI TU IS BAAT KEE GAWAAHI DE KI ALLAH TA’ALA KE SIWA KOI MA’BOOD NAHIN, AUR MUHAMMAD (SALLALLAHU ALAIHAY WASALLAM) ALLAH KE RASOOL HAIN AUR TU NAMAZ KAAYAM KARE, ZAKAAT ADA KARE, RAMZAN-UL-MUBARAK KE ROZE RAKHE AUR ISTITA’AT RAKHNE PAR BAITULLAH KA HAJJ KARE,..”

*US NE ARZ KIYA: “AAP NE SACH FARMAYA,..”
HAZRAT UMAR (RAZIALLAHU ANHU) FARMATE HAIN KI HAMEIN TA’AJJUB HUWA KI KHUD HI SAWAL KARTA HAI AUR KHUD HI TASDEEQ BHI KARTA HAI.

*US KE BAAD USS NE ARZ KIYA: “MUJHE IMAN KE BAARE ME BATAAYE !…”
NABI-E-AKRAM (SALLALLAHU ALAIHAY WASALLAM) NE FARMAYA: “IMAN YEH HAI KI ALLAH TA’ALA PAR, FARISHTON PAR, US KE KITAABON PAR, US KE RASOOLON PAR AUR QAYAMAT KE DIN PAR IMAN LAAYE AUR ACHCHHI BURI TAQDEER PAR IMAN RAKHE…”
WOH BOLA: AAP NE SACH FARMAYA.

*PHIR US NE ARZ KIYA: “MUJHE EHSAAN KE BAARE ME BATAAYE,..”
AAP (SALLALLAHU ALAIHAY WASALLAM) NE FARMAYA: “AHSAAN YEH HAI KI TU ALLAH AZZA WA JALLA KI IBAADAT IS TARAH KARE GOYA TU USEY DEKH RAHA HAI AUR AGAR TOO USE NA DEKH SAKE TO YEH JAAN LE KI YAQEENAN WOH TUJHE DEKH RAHA HAI,..”

*US NE ARZ KIYA: “ACHCHHA AB MUJHE QAYAMAT QAAYAM HONE KE (WAQT KE) BAARE ME BATAAYE,..”
AAP (SALLALLAHU ALAIHAY WASALLAM) NE FARMAYA: “JIS SE SAWAL KIYA GAYA HAI WOH IS MAS’ALE PAR SAA’IL SE ZYADA ILM NAHIN RAKHTA (YA’NI JO KUCHH MUJHE MAALOOM WOH TUMHEIN BHI MAALOOM HAI AUR DOOSARE HAAZIREEN
KE LIYE USEY ZAAHIR KARNA MUFEED NAHIN HAI.) ,..”

*US SHAKHS NE ARZ KIYA: “ACHCHHA PHIR QAYAMAT KI ALAAMAT HEE BATA DE,..”
HUZOOR NABI-E-AKRAM (SALLALLAHU ALAIHAY WASALLAM) NE FARMAYA: “ALAAMAATE QAYAMAT YEH HAI KI NAUKARAANI APNE MAALIKA KO JANM DEGI (YA’NI BETI APNI MAA KE SAATH NAUKARANIYON WAALA SULOOK KAREGI) AUR BARHANA PAANW AUR NANGE BADAN WAALE MUFLIS CHARWAAHE OONCHE OONCHE MAHALLAAT PAR FAKHR KAREGE,..”

PHIR WOH SHAKGS CHALA GAYA, HAZRAT UMAR (RAZIALLAHU ANHU) FARMATE HAIN KI MAIN KUCHH DER THEHRA RAHA, PHIR HUZOOR NABI-E-AKRAM (SALLALLAHU ALAIHAY WASALLAM) NE FARMAYA: “AYE UMAR! JAANTE HO YEH SAWAL KARNE WAALA KOUN THA ?..”

MAINE ARZ KIYA: ALLAH TA’ALA AUR US KA RASOOL (SALLALLAHU ALAIHAY WASALLAM) BEHTAR JAANTE HAIN.
AAP (SALLALLAHU ALAIHAY WASALLAM) NE FARMAYA: “YEH JIBRA’IL ALAIHISSALAM THEY JO TUMHEIN TUMHARA DEEN SIKHAANE AAYE THEY,..”
MUTTAFAQUE ALAYH

– [BUKHARI AS-SAHIH, 01/27, RAQAM-50, & 04/1793, RAQAM-4499,
MUSLIM AS-SAHIH, 01/36, RAQAM-08, 09,
TIRMIDHI AS-SUNAN, 05/06, RAQAM-2601,
ABOO DAWOOD AS-SUNAN, 04/222, RAQAM-4695,
NASA’I AS-SUNAN, 08/97, RAQAM-4990,
IBN MAJAH AS-SUNAN, 01/24, RAQAM-63,
AHMAD BIN HANBAL AL-MUSNAD, 01/15, RAQAM-367,
IBN KHUZAYMAH AS-SAHIH, 04/127, RAQAM-2504,
IBN HIBBAN AS-SAHIH, 01/389, RAQAM-168,
AL-MINHAJ-US-SAWI, SAFAH-124, 125, 126, RAQAM-44.]

SHARE TO OTHERS SADQA E JARIYA

ALLAH US SHAKHS KO ABAD RAKHTA HAI JO HADIS SUN K DOSRE KO PHNCHAYE