HADEES E PAK

 Aaj Humne Riyaa Ka Markaz Hajj Ko Bhi Bana Liya Hai –
Allah Reham Karey ! Aaj Humari Namaze, Humare Roze Aur Zakaat Se Jyada Humaare Hajj Riyaakari Ke Markaz Ban Chukey Hai..
♥ Mafhoom-e-Hadees: Rasool’Allah (Sallallahu Alaihay Wasallam) Ne Riyaa Se Apne Rab Ki Itni Panah Mangi Ke Aap Dua Karte They Aur Ek Dua Khaas Jab Aap Hajj Ko Gaye Tou Aapne Ek Dua Ki Aur Farmaya –
“Allahumma Hajjatan La Riya’a Fiha Wa La Sum’a.”
Aye Allah Humse Aisa Hajj Le, Ke Iss Hajj Ko Humare Liye Riyaa Aur Dikhawe Se Paak Kar…

Is Hadees-e-Mubarak Par Hum Thodasa Bhi Gour Karey Tou Maloom Hoga Jis Riyaa Ke Talluq Se Rasool’Allah Dua Kar Rahe Hai Aur Jis Mouke Par Riyaa Ke Talluq Se Dua Kar Rahe Hai Ke – Aye Allah ! Iss Hajj Ko Humare Liye Riyaa Aur Dikhawe Se Paak Kar “. SubhanAllah !! Allah Reham Karey Aaj Humare Hajj Ke Kya Haal Hai Hum Apne Haaji Bhaiyon Ke Naam Ke Aagey Dekh Sakte Hai ..

*Illah Masha’Allah! Sabhi Haaji Bhai Apne Naam Ke Aagey Haaji Ka Laqab Nahi Lagate Kyunki Wo Jante Apne Amal Ka Dikhawa Karna Riyaa Hai, Aur Riya Shikr (Shrik-e-Asgar) Hai.
– Mehaz Dikhawe Ke Liye Aur Apne Naam Ke Aagey Haaji Jaisa Laqab Lagane Ke Wastey Hajj Karna Logon Se Tareefe Sametne Ki Khatir Kisi Bhi Amaal Ko Anjaam Dena Goya Riyaa Hai.

– Lihaja Apne Amaal Ka Charcha Karne Se Parhez Karey, Aur Apne Amaal Ko Khaalis Allah Ki Ibadat Ke Khatir Kare, Riyaa (Showing Off) Ke Fitno Se Paak Rakhne Ki Koshish Kare,.

– Allah Ta’ala Hume Kehene Sun’ne Se Jyada Amal Ki Toufiq De.
– Humari Tamam Ibadato Ko Riyaakari Ke Fitno Se Paak Rakhey ,..
– Jab Tak Hume Zinda Rakhe , Islam aur Imaan par Zinda Rakhey ,..
– Khatma Humara Imaan par ho ,.
!!! Wa Akhiru Dawana Anilhamdulillahe Rabbil A’lameen !!!
( Ameen ! Allahumma Ameen !!!)

SHARE TO OTHERS SADQA E JARIYA